Namaste! Mera naam Kanishka Dhaliwal hai. Agar mujhe apne vyaktitva ko sirf teen shabdon mein batana ho, to main kahungi ki main hasmukh, mehnati aur positive hoon. School ke baahar mujhe sabse zyada volleyball khelna pasand hai, kyunki isse mujhe energy aur teamwork dono milta hai. Ek student ke roop mein meri taaqat yeh hai ki main sirf padhai nahi karti, balki seekhe huye gyaan ko apni life mein apply bhi karti hoon. Is saal maine apne baare mein yeh naya seekha hai ki main naye challenges ko accept karne ke liye zyada open ho gayi hoon.
Ab tak mera naye school mein anubhav kaafi exciting raha hai. Jab main pehli baar Oakwood aayi thi, to thoda nervous feel hua, par pehla impression bahut positive tha—environment friendly aur teachers supportive lage. Mujhe yahan ki sabse achhi baat yeh lagti hai ki students ko apne interest explore karne ke liye encourage kiya jata hai.
Naye environment mein dhalne ki sabse badi chunauti mere liye naye dost banana tha, lekin dheere-dheere sab naturally ho gaya. Teachers aur classmates dono hi helpful hain aur unhone mujhe quickly adjust karne mein madad ki.
Mera naya school mere purane school se alag isliye hai kyunki yahaan extracurricular activities aur academics ka balance zyada strong hai. Haan, mujhe apne purane school ke kuch dost yaad aate hain, lekin Oakwood ne mujhe naye opportunities diye hain. School badalne ke baad main ek student ke roop mein aur confident ho gayi hoon aur apni learning style ko better samajhne lagi hoon.
Is academic year ke liye mera goal hai ki main apne grades aur extracurricular dono mein best performance du. College aur career ke liye main abhi se apni writing aur leadership skills ko improve karna chahti hoon. High school ke baad main history, political science, ya international relations jaise vishayon mein padhai karna pasand karungi.
Agle paanch saal baad main khud ko ek aisi student ke roop mein dekhti hoon jo college mein apne goals achieve kar rahi ho, aur apne sapnon ke career ki taraf steadily badh rahi ho. Mera sabse bada sapna hai ki main ek aise career mein jaun jahan main society mein positive change laa saku—jaise diplomacy ya public service.
Mujhe apne lakshyon ki taraf kaam karne ke liye sabse zyada prerna milti hai meri Maa se, Woh Hamesha mujhe apna best dene ke liye push karthi hain, aur mujhe tab bhi pyaar aur support deti hain jab unhe khudh uski sabse zyada zarurat hoti hai. Woh meri sabe badi sapporter hain, aur unki apne parivaar aur zimmedariyon ke prati lagan dekhkar mujhe bhi apne sapno ke liye mehnat karne ki motivation milti hai. Aur agar mujhe kisi naye student ko Oakwood ke liye ek salah deni ho, to main kahungi: “Apne aap par vishwas rakho, naye experiences se daro mat, aur jaldi hi tumhe yahaan apna ghar jaisa feel hoga.”
English Translation:
Hello! My Name is Kanishka Dhaliwa. If I had to describe my personality in just three words, I would say that I am cheerful, hardworking, and positive. Outside of school, I love playing volleyball the most, because it gives me both energy and a sense of teamwork. As a student, my strength is not just studying, but applying what I have learned to real life. This year, I’ve discovered something new about myself-that I’ve become more open to accepting new challenges.
So far, my experience at Oakwood has been quite exciting. When I first came to Oakwood, I felt a little nervous, but my first impression was very positive-the environment felt welcoming, and the teachers seemed supportive. Both the teachers and the students have been helpful and made it easier for me to adjust quickly.
My goal for this academic year is to perform my best in both grade and extracurricular activities. For college and my career, I want to start improving my writing and leadership skills now. After high school, I would love to study subjects like international relations, political science, and world history.
Five years from now, I see myself as a student in college, achieving my goals and steadily moving toward my dream career. My biggest dream is to be in a career where I can bring a positive change to society, such as diplomacy or public service.
The greatest inspiration that keeps me working towards my goals is my mom. She constantly pushes me to do my best, constantly provides me with care and support, even when she herself needs it the most. She is my steadfast supporter, and by looking at her unwavering commitment towards her family motivates me to work hard for my own dreams.
